Raportimi i sinjalizimit është referimi i një informacioni verbal ose me shkrim, nga një person në Njësinë e Sinjalizimit, për veprime të dyshimta ose shkelje të mundshme të kuadrit ligjor.

Çdo person që sinjalizon një shkelje të mundshme ligjore gjatë angazhimit në një kontekst pune, duke përfshirë:

Punonjës të bankës

Persona që ushtrojnë aktivitet si të vetëpunësuar, që punojnë ose kanë punuar për bankën

Persona që janë pjesë e organeve vendimmarrëse, mbikëqyrëse dhe ekzekutive

Persona që punojnë nën mbikëqyrjen dhe drejtimin e kontraktorëve, nënkontraktorëve ose furnizuesve

Persona, marrëdhënia e punës së të cilëve nuk ka filluar ende, në rastet kur informacioni në lidhje me shkeljen është marrë gjatë procesit të rekrutimit ose në një fazë tjetër para-kontraktuale

Persona, marrëdhënia e punës së të cilëve është ndërprerë, por që paraqesin një raport sinjalizimi për shkelje të mundshme

Raportimi anonim i referohet një raportimi të kryer nga një sinjalizues, identiteti i të cilit nuk dihet në kohën e raportimit ose kur vetë sinjalizuesi ka kërkuar të mbetet anonim gjatë këtij procesi. Raportimet anonime të sinjalizimit trajtohen nga Njësia e Sinjalizimit në të njëjtën mënyrë si çdo raport tjetër, pa vendosur kushte shtesë për marrjen, shqyrtimin dhe verifikimin e tyre.

Raporti duhet të përmbajë:

identitetin dhe të dhënat e kontaktit të sinjalizuesit, përveç rasteve kur raportimi bëhet në mënyrë anonime;

organin ose personin e përfshirë, për të cilin raportohet shkelja;

një përshkrim të informacionit mbi shkeljet e mundshme të kuadrit ligjor, të shoqëruar me fakte, rrethana dhe dokumentacion mbështetës.

Raportet e sinjalizuesve mund të dorëzohen me shkrim ose verbalisht.

Raportet me shkrim mund të dorëzohen:

nëpërmjet postës elektronike: whistleblower@fibank.al

nëpërmjet shërbimit postar në adresën: Blvd. "Dëshmorët e Kombit", Kullat Binjake, Kulla nr. 2, Kati 12, Kodi Postal 1019, Tiranë, Shqipëri.

Raportet verbalisht mund të dorëzohen:

duke telefonuar në numrin +355 4 2276712, brenda orarit të punës të bankës;

nëpërmjet një takimi personal me punonjësin e Njësisë së Sinjalizimit të bankës, bazuar në kërkesën e sinjalizuesit, të organizuar duke përdorur numrin e kontaktit ose adresën e postës elektronike të treguar më lart.

Raportimi do të trajtohet me integritet, konfidencialitet dhe paanshmëri, gjë që mundëson shqyrtimin dhe zgjidhjen në një mënyrë objektive.

Brenda 7 ditëve nga marrja e raportit tuaj, Zyrtari i Sinjalizimit do të konfirmojë marrjen e raportit, përveç nëse kërkohet shprehimisht që të mos e bëjë këtë nga personi që paraqet raportin ose kur konfirmimi mund të kompromentojë mbrojtjen e identitetit të sinjalizuesit. Ne do të informojmë sinjalizuesin për veprimet e ndërmarra ose të parashikuara si ndjekje të mëtejshme, progresin e sinjalizimit dhe rezultatin përfundimtar jo më vonë se 3 muaj nga data e konfirmimit të regjistrimit të raportit të sinjalizimit.

Përpunimi i të dhënave personale kryhet vetëm për qëllimin e shqyrtimit të raportit të sinjalizimit, në përputhje me Ligjin 124/2024 "Për Mbrojtjen e të Dhënave Personale". Të dhënat personale që nuk konsiderohen të nevojshme për trajtimin e një raporti nuk do të mblidhen, dhe nëse të dhëna të tilla mblidhen aksidentalisht, ato fshihen pa vonesë.