Fibank
Blini online me siguri maksimale
Kartat Visa & Mastercard nga Fibank janë me mbrojtje 3D Secure
Shijoni çdo blerje online me besim të plotë. Kartat tuaja Visa dhe Mastercard janë të pajisura me teknologjinë më të avancuar të sigurisë CHIP & PIN dhe të mbështetura nga standardi ndërkombëtar 3D Secure – për një eksperiencë të sigurt, të shpejtë dhe pa shqetësime.
Me shërbimet Verified by Visa dhe Mastercard Identity Check, çdo pagesë konfirmohet vetëm nga ju.
Pse të përdorni 3D Secure?
- Siguri e shtuar – vetëm ju mund të autorizoni pagesat tuaja
- Proces i shpejtë dhe i thjeshtë
- Aktiv automatikisht për kartën tuaj
- Pa asnjë kosto shtesë
Si funksionon?
Vetëm në disa hapa të thjeshtë:
- Plotësoni të dhënat e kartës gjatë blerjes online
- Merrni një kod sigurie në telefonin tuaj
- Konfirmoni pagesën me kodin njëpërdorimësh
Kaq e thjeshtë. Kaq e sigurt.
Kontrolli është në duart tuaja
Çdo herë që kryeni një pagesë:
- Ju merrni një kod unik verifikimi (OTP) në telefon
- Ju konfirmoni personalisht çdo transaksion
- Ju kontrolloni detajet përpara se të finalizoni pagesën
Sigurohuni që numri juaj i telefonit i regjistruar në bankë është i saktë.
Blini vetëm në faqe të sigurta
Kërkoni logot:
- Verified by Visa
- Mastercard Identity Check
Këto tregojnë që tregtari përdor standardet më të larta të sigurisë për pagesat online.
Siguri që ju ndjek kudo
Me kartat Visa dhe Mastercard, ju jeni gjithmonë të mbrojtur – në çdo klikim, në çdo blerje.
Për të kryer me sukses proçesin e 3D Secure ju lutem ndiqni hapat e mëposhtme:
- Zgjidhni mënyrën e pagesës me kartë dhe plotësoni të dhënat e kartës tuaj.
- Zgjidh “Paguaj” dhe më pas do ju shfaqet dritarja e sigurise 3D, në të cilën pasi të keni verifikuar numrin tuaj të telefonit dhe të dhënat e transaksionit, do ju kërkohet të vendosni K1P (Kodin Një Përdorimësh).
- Në telefonin tuaj do të mbërrijë kodi i sigurisë 3D cilin duhet ta vendosni saktë në kutinë e kërkuar.
- Transaksioni konfirmohet me sukses.
Në SMS-në e mbërritur në celularin tuaj, ju lutemi kontrolloni nëse detajet e transaksionit, veçanërisht shuma, numri i kartës dhe emri i tregtarit, janë të sakta.
Si të njohim tregtarët 3D Secure?
Për të kuptuar nëse tregtari ku ju po kryeni blerjen e ofron shërbimin e sigurisë 3D, ju duhet të kontrolloni në faqen e tregtarit për logot Verified by VISA ose SecureCode.
Nëse logot ekzistojnë, tregtari ku ju po kryeni blerjen ofron shërbimin e sigurisë.Gjithashtu, tregtarët të cilët ofrojnë këtë shërbim mund të identifikohen edhe gjatë blerjes. Pasi të vendosni në faqen e tregtarit të dhënat e kartës, do t’ju shfaqet një faqe tjetër, për të kryer fillimisht regjistrimin dhe më pas vendosjen e Kodit një Përdorimësh.