Banka e Parë e Investimeve – Albania Sh.a synon të ruajë dhe të zhvillojë shërbime bankare me standarde të larta profesionale, të përshtatura sipas nevojave individuale. 

Cilësia e shërbimeve tona është prioriteti ynë kryesor dhe, nëse për ndonjë arsye mbeteni të pakënaqur, ju inkurajojmë të na njoftoni. Për t’ju ardhur në ndihmë në raste të tilla, është e nevojshme të paraqisni një ankesë me shkrim pranë Bankës.

Të gjitha të dhënat personale të përpunuara nga Banka gjatë procedurës së trajtimit të ankesave menaxhohen në përputhje me dispozitat e Ligjit Nr. 124/2024 “Për mbrojtjen e të dhënave personale”.                                                                                                                               

Për dispozita të detajuara ju lutemi referohuni në link-un si më poshtë:   

https://www.fibank.al/en/informacioni-i-klientit/te-dhena-personale

Ne do t’u përgjigjemi të gjithë klientëve tanë. Megjithatë, ju këshillojmë që, nëse është e mundur, fillimisht të kontaktoni punonjësit e degës që ju shërben. Është e mundur që çështja të jetë e natyrës operacionale dhe të zgjidhet përmes komunikimit me degën.

• Në çdo degë në Fibank;
• Nëpërmjet email-it në adresën adresën:complaints@fibank.al
• Nëpërmjet zyrës postare në adresën e mëposhtme:

Blvd. "Dëshmorët e Kombit"

Kullat Binjake, Kulla nr. 2, Kati 13

Kodi Postal 1019

Tiranë, Shqipëri

Pas paraqitjes së ankesës, Fibank do ta shqyrtojë menjëherë, ose brenda ditës së ardhshme të punës, duke e përcjellë pranë departamentit përgjegjës. 

Ankesa juaj duhet të përmbajë:

• Emrin dhe mbiemrin tuaj; nëse jeni përfaqësues i një shoqërie, duhet të shënoni edhe emrin dhe NUIS/NIPT-in e saj;
• Adresën tuaj të përhershme ose adresen e korrespondencës;
• Numrin e telefonit ose adresën e e-mail-it;
• Përshkrimin e shkakut të ankesës.

E RËNDËSISHME: Banka e Parë e Investimeve – Albania Sh.a nuk trajton ankesa anonime.

Në mënyrë që tju asistojmë sa më mirë, ankesa juaj duhet të përmbajë sa më shumë informacion të jetë e mundur dhe duhet të hartohet në gjuhën shqipe ose angleze.  

Për lehtësinë tuaj, ne kemi përgatitur një model ankese që ju këshillojmë ta përdorni: 

• Do ta përcjellim menjëherë për vlerësim pranë departamentit përgjegjës.
• Do ta shqyrtojmë në mënyrë objektive duke marrë parasysh të gjitha faktet dhe rrethanat. 
• Nëse është e nevojshme, do t’ju kontaktojmë për të marrë të dhëna dhe dokumente shtesë.
• Do të përgatisim një vlerësim objektiv dhe të mbështetur ligjërisht mbi ankesën tuaj brenda një afati të shkurtër kohor (për ankesat që lidhen me shërbimet e pagesave – deri në 15 ditë pune nga marrja e saj, përveç rasteve kur kërkohet zgjatje e këtij afati, për të cilën do t’ju njoftojmë me shkrim).
• Nëse kërkesa juaj është jashtë juridiksionit tonë, do t’ju informojmë, nëse është e mundur, për veprimet që duhet të ndërmerrni 

Synimi ynë është që Fibank të jetë partneri juaj i preferuar në përdorimin e produkteve dhe shërbimeve bankare. Kënaqësia juaj mbetet prioriteti ynë kryesor dhe, në mbështetje të saj, kemi miratuar nga Bordi i Drejtorëve procedurën e mësipërme, e cila përfaqëson rrugën më të shkurtër dhe më efikase, në përputhje me kërkesat rregullatore, përmes së cilës ankesa juaj mund të na përcillet dhe të marrë vëmendjen dhe trajtimin e duhur. 

• Nëse ankesa juaj bën pjesë në fushën e zbatimit të Ligjit Nr. 55/2020 “Për shërbimet e pagesave”, ju mund t’i drejtoheni Njësisë Përgjegjëse për Zgjidhjen Alternative të Mosmarrëveshjeve (ZAM) pranë Bankës së Shqipërisë;
• Nëse ankesa juaj bën pjesë në fushën e zbatimit të Ligjit Nr. 62/2020 “Për tregjet e kapitalit”, ju mund t’i drejtoheni Autoritetit të Mbikëqyrjes Financiare;
• Ju gjithashtu mund të ndiqni ankesën tuaj edhe pranë autoriteteve të tjera, në përputhje me dispozitat e legjislacionit në fuqi.